بقلم / وليد الموسوي
ضليت امسح دموعي لحد ماغفيت
بليله نمتها وانا بكامل اوجاعي
من كثر حزني أوحسيت نفسي انتهيت
وباقي الايام ماظل لها داعي
شنو ناطر بعد من عمري مارديت
دوم الايام بكلبي ماتراعي
جبت ناي الحزن وبصوته غنيت
وصار كلبي من القهر يحرك بضلوعي
انا وياك ياحظ مااعرف شنو سويت
انا وياك بحرب دايم في صراعي
نايم ياحظي ولا مره صحيت
من وقت المهد وابد ماكنت واعي
ضايق علي الكون وبالخنكه ضليت
الدنيا تخنكني احس ما بيها اتساعي
ابتسم بس بعيون الحزن ابتليت
حزين والضحكه ماتقدر على اقناعي
